Ұшақ апаты: қаза тапқандар саны көбейді

Алматы қаласы маңында ұшақ апатынан қаза тапқандардың саны 12 адамға жетті. Бұл туралы Орталық коммуникациялар қызметінің ресми өкілі Әлібек Әбділов айтты.

Әділовтың айтуынша, апат болған маңда жұмыс істеп жатқан жедел штаб өкілдері қаза тапқандар санының көбейгенін айтқан. 

- Өкінішке қарай қазіргі уақытта қаза тапқандардың саны 12 адамға жетті. Мұндай ақпаратта жедел штаб өкілдері берді, - деді ол.

Бұған дейін Қазақстанның төтенше жағдайлар комитеті "9 адам қаза тапты. Жарақат алғандардың саны 9 адам, оның алтауы — балалар" деген ақпарт таратқан болатан. 

Жұма күні таңғы уақытта Алматыдан Нұр-Сұлтан қаласына ұшып шыққан ұшақ радардан жоғалып кеткені хабарланған. Әуежай баспасөз қызметінің мәліметінше,  Алматыдан Нұр-Сұлтан қаласына 2100 рейсімен 07:05-те ұшып,  радардан жоғалып кеткен «Bek Air» әуе компаниясының ұшағының бортында 95 жолаушы және 5 экипаж мүшесі болған.