• USD 468.56

  • EUR 497.56

  • RUB 7.3

  • CNY 67.18

28 Наурыз, 22:05:21
Алматы
+35°

10 Ақпан, 2020 Саясат

Серік Ақылбай: "Біз заң шығарушы органды балабақшаға айналдырмауымыз керек"

«Мәжілісте, әсіресе сенатта, өмірлік тәжірибесі бар, жөнін білетін адамдар болуы керек. Біздің судьялар 35 жастан бастап сайланды, бұл еуропалық тәжірибе. Біздің неге 29 жасқа тоқталып қалғанымыз белгісіз"

Фото: inform.kz

Бұл туралы Әділет министрлігі жанындағы қоғамдық кеңестің төрағасы, бұрынғы сенатор Серік Ақылбай айтты.

Оның бұлайша "шыр" ете қалуына әділет министрлігінің партиялық тізімдегі әйелдер мен жастарға 30% квота ұсынуы себеп болған. Яғни, тізімде "жастар" деген сөз анық көрсетілген. Заңға сәйкес, 29 жасқа дейінгі адамдар елде жас болып есептелетіні белгілі.

Осылайша, тағы бір даудың басын бұрқ еткізген бұрынғы сенатор 29 жастағы азамат әлі өмір көрмеген бала екенін айтады:

«Мәжілісте, әсіресе сенатта, өмірлік тәжірибесі бар, жөнін білетін адамдар болуы керек. Біздің судьялар 35 жастан бастап сайланды, бұл еуропалық тәжірибе. Біздің неге 29 жасқа тоқталып қалғанымыз белгісіз. Ешқандай қиын себептер жоқ, біз тұжырымдамалы қарауымыз керек. Ертең мәжілістегі 29 жастағы бала тұрғындармен кездесуді бастайды. Мен халықпен кездестім, қандай сұрақтар қойылатынын білемін, мен ол кезде 60 жаста едім, кейбір сұрақтарға жауап бере алмадым, ал 29 жаста ол әлі өмір көрмеген. Біз заң шығарушы органды балабақшаға айналдырмауымыз керек», - деді қоғамдық кеңестің төрағасы.

Оны қоғам қайраткері Мұрат Әбенов те қостаған. Тіпті, ол 29 жасқа толмағандар үшін квоталар тиімсіз болады деп санайтынын жеткізген.

«Қазір олар 27 жасында оқуды аяқтайды, олар бұрынғыдан қарағанда төрт жыл кейін отбасын құрады. Ер адамдар 28-29 жаста үйленеді, әйелдер 24 жаста үйленеді. Олар өмір тәжірибесін әлі білмейтін шығар, мүмкін парламент үшін (ұсынылған түзетулер аясында квота енгізу аясында) ) партияларды тәжірибесі жоқ адамдарды тізімге енгізуге мәжбүр етпеу үшін 35 жасты анықтау керек шығар», - дейді М.Әбенов.

Осы ретте, Әділет министрлігі заң шығару департаменті директоры Олжас Данабеков қоғамдық кеңес мүшелерінің ұсыныстары он жұмыс күні ішінде қаралатындығын айтты.

«Мемлекеттік жастар саясаты туралы заңға сәйкес, мен 29 жасқа толмағандарды жастар деп санаймын. Біз азаматтардың осы санатына депутат болып сайлану мүмкіндігін береміз. Біз әр партия сайлауға дейін жасайтын сайлау тізімдері туралы сөйлесеміз. Сайлау туралы заңға сәйкес біз мандаттарды дербес таратамыз. Мандаттарды сайлау тізіміне бөлу мәселесі партияның қарауына қалды», - деді ол.

"Партия" демекші, осыған дейін президент Қасым-Жомарт Тоқаев Қазақстанда саяси партия құру және тіркеуді жеңілдету туралы нақты тапсырма берген болатын. Сонымен бірге, былтыр желтоқсанында партиялық тізімдерде әйелдер мен жастарға міндетті 30% квота беру және саяси партиялар құру үшін тіркеу кедергісін 40 мыңнан 20 мың адамға дейін төмендету қажет деп те мәлімдеген еді.

Тақырыпқа тұздық: Қазақстанда саяси партия құру және тіркеу жеңілдетіледі

 

 

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір