• USD 408.61
  • EUR 454.09
  • RUB 5.86
  • CNY 57.28

11 Мамыр, 2020 NEWS

Ойын-сауық орталықтарының қашан ашылатыны белгілі болды

Көрнекі сурет

ҚР Премьер-Министрінің бірінші орынбасары Ералы Тоғжанов ойын-сауық орталықтарының қашан ашылатынын түсіндірді, деп хабарлайды ҚазАқпарат.

– Бүгін Президент Қасым-Жомарт Тоқаев 2 мың шаршы метрге дейінгі азық-түліктен бөлек дүкендердің, сұлулық салондарының және балаларды дамыту орталықтарының ашылатынын мәлімдеді. Тұрғындардың саябақтар мен скверлерде серуендеуіне рұқсат беріледі. Парк жанындағы көңіл көтеру жұмыстарына шектеу қойылады, – деп түсіндірді Е. Тоғжанов брифингте.

Сонымен бірге, Е. Тоғжанов ойын-сауық орталықтарының жұмысын жандандыру бойынша көп сұрақ келіп түскенін айтты.

 

– Бұл кезеңде ойын-сауық орталықтарының, мейрамханалар мен қонақ үйлердің жұмысы іске қосылмайтынын мәлімдеймін. Бұл мәселе сәл кейінірек өңірлердегі санитарлық-эпидемиологиялық жағдайды ескере отырып, қарастырылады, – деді Е. Тоғжанов.

Оның айтуынша, елдегі КВИ жұқтырғандар үлесін 2 пайызға дейін азайтқанда ғана, ойын-сауық орталықтарын ашуға мүмкіндік бар.

 

Сондай-ақ ол Қазақстанда теміржол көлігінің қозғалысы әлі ашылмайтынын, төтенше жағдай режимінің тоқтағанына қарамастан блокпосттар әлі де сақталатынын айтты.

 

Ілмек сөздер: карантин режимі

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір