• USD 399.67
  • EUR 452.95
  • RUB 5.82
  • CNY 56.36

12 Мамыр, 2020 NEWS

Қазақстанда екі ғылыми институт коронавирусқа қарсы вакцина жасаумен айналысып жатыр

Көрнекі сурет

Бүгінде әлем бойынша жеті ғылыми ұжым коронавирусқа қарсы вакцина ойлап табу үшін клиникалық сынақ өткізіп жатыр. Бұл туралы ҚР бас мемлекеттік санитар дәрігері Айжан Есмағамбетова ҚР Денсаулық сақтау министрлігінің медиа орталығында өткен тікелей эфирде айтты, деп ҚазАқпарат хабарлады. 

– Коронавирусқа қарсы вакцина еліміздегі Биологиялық қауіпсіздік ғылыми-зерттеу институтында және Биотехнология ұлттық ғылыми орталығында жасалуда. Жалпы алғанда, әлем бойынша коронавирусқа қарсы вакцина жасаумен айналысып жатқандар көп. Бүгінде жеті ғылыми ұжым клиникалық сынақ өткізіп жатыр, – дейді ҚР Бас мемлекеттік санитар дәрігері Айжан Есмағамбетова.

Оның айтуынша, клиникалық сынақ коронавирусқа қарсы вакцинаның нәтижелігін көрсетеді.

– Бүгінгі күнгі біздің міндет – коронавируспен ауырғандар санын азайту. Тестіден өткізуді көбейте беруіміз керек. Мысалы, наурыз айында 34 мың ғана тест болды және ауырғандар мен олармен байланыста болғандарды тестілеуден өткіздік. Ал сәуір айында профилактикалық тестке көштік. Наурыздан осы уақытқа дейін 320 мың адам тестіден өтті. Сәуір айында төтенше жағдай кезінде жұмыс істеген адамдарды, дәрігерлерді, аяғы ауыр әйелдерді, емханада тіркеуде тұрғандарды қостық, – дейді ол.

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір