• USD 468.56

  • EUR 497.56

  • RUB 7.3

  • CNY 67.18

29 Наурыз, 15:45:19
Алматы
+35°

Бүгін сенаттың жалпы отырысында «Қазақстан Республикасындағы сайлау туралы» Конституциялық заңына толықтырулар енгізу туралы» Конституциялық заңы мен «Саяси партиялар туралы» Заңына өзгеріс пен толықтырулар енгізу туралы» Заңы қабылданды, деп хабарлайды ҚазАқпарат.

Сенат төрағасы Мәулен Әшімбаевтың сөзінше, бұл заң саяси партияларды құру мен тіркеу талабын едәуір жеңілдетеді.

– Президентіміздің ұсынысымен бүгін қабылданып отырған заңдар елдің саяси өмірінде ерекше мәнге ие. Саяси партияларды құру мен тіркеу талабы едәуір жеңілдетіліп отыр. Партияларды тіркеудің талаптық шегі төмендетілді (20 мың қол). Қабылданған заңдар көппартиялық жүйені одан әрі нығайтуға септігін тигізетіні сөзсіз, – деді М. Әшімбаев Сенаттың жалпы отырысында.

Мұнымен қоса ол әйелдер мен жастарға еліміздің қоғамдық-саяси өміріне белсене қатысуы үшін қосымша мүмкіндік берілетінін атап өтті.

– Сондай-ақ партиялардың сайлау тізімінде әйелдер мен жастар үшін 30 пайыздың міндетті квота белгіленді. Ол әйел адамдардың және жастарға еліміздің қоғамдық-саяси өміріне белсене қатысуы үшін қосымша мүмкіндік береді. Мұндай өзгертулерді демократиялық даму жолындағы нақты қадам деп қарастыруымыз керек. Олар саяси жүйемізді ары қарай дамытуға үлес қосады деп сенеміз,– деді сенат төрағасы.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір