04 Маусым, 2020 NEWS
kaztag.kz
Қазақстанның тұңғыш президенті Нұрсұлтан Назарбаевқа тіл тигізді делінген Қарағанды тұрғыны Арман Хасеновқа қатысты үкім шықты, деп хабарлады ҚазТАГ.
– Кешіріңіз, енді бұлай қайталамаймын ... Елбасы Нұрсұлтан Назарбаевтан кешірім сұраймын. Мен жұмыс тауып, қоғамға пайдамды тигізуге уәде беремін, – деді А. Хасенов.
Іс ҚР Қылмыстық Кодексінің 373-бабының 2-бөлігі бойынша (көпшілік алдында қорлау және Тұңғыш Президенттің ар-намысы мен қадір-қасиетіне қол сұғу) Қарағанды қаласының Қазыбек би аудандық сотында қаралды.
– Хасенов жасаған іс-әрекетіне шын жүректен өкінетінін айтып, өз кінәсін толықтай мойындады, сот оны қоғамнан оқшауламай-ақ түзету және қайта тәрбиелеу мүмкін деп санайды. Хасенов Арман Қайратұлы ҚР ҚК 373-бабының 2-бөлігі бойынша кінәлі деп таюылып, оған пробациялық (сынақ мерзімі) бақылау негізінде 3 жылға бас бостандығынан айыру жазасы тағайындалды, – деп үкім шығарған судья Манат Жұмақаева.
Еске салайық, 13 маусымда Қазақстанның Ұлттық қауіпсіздік комитеті желіге мазмұны біржақты ролик жүктеген Қарағанды тұрғынының ұсталғаны туралы хабарлаған болатын.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір