Мәскеуден елге 55 тонна дәрі жеткізілді

10 шілдеде Мәскеуден Қазақстанға гуманитарлық көмек ретінде 55 тонна препарат жеткізілді. Бұл туралы денсаулық сақтау вице-министрі Людмила Бюрабекова орталық коммуникациялар қызметінің брифингінде хабарлады.

Оның айтуынша, Мәскеуден екі азаматтық бортпен жеткізілген 55 тонна дәрі коронавирус инфекциясы мен пневмонияны 1 ай емдеуге жетеді. Дене қызуын төмендететін, вирусқа қарсы  препараттар, антикоагулянттар мен антибиотиктер жеткізілді. Сондай-ақ 150 мыңға жуық азитромицин, миллионға жуық цефтриаксон, 150 мың дана тамифлю, 50 мың арбидол, т.б. препараттар өңірлік дәріханаларға таратылды.

– Осы аптада Үндістаннан ұшақ келеді. Дәрі-дәрмекпен қамтамасыз ету және дәрілік заттарға деген сұранысты толықтай қанағаттандыру үшін мұндай шаралар ай сайын ұйымдастырылады, – деді Л.Бюрабекова.