Ақтауда куәгерлер педофил болуы мүмкін делінген күдіктіні ұстады. Бұл туралы Inaktau.kz хабарлады.

Маңғыстау облыстық полиция департаменті баспасөз қызметінің хабарлауынша, оқиға 29 шілде күні күндіз болған. Күдіктіге қатысты Қазақстанның қылмыстық кодексінің 1-бөлігі 124-бабы "Жас балаларды азғындық жолға түсіру" бойынша қылмыстық іс қозғалған.

– 29 шілдеде шамамен сағат 13:00-де Ақтау қаласының полиция басқармасына шағым келіп түсті. Онда белгісіз ер адамның балалар алаңқайында ойнап жүрген баланы алып кеткені айтылған. Ер адам баланы үйдің кіреберісіне кіргізіп, зорлық-зомбылық жасамақ болған. Оқиға орнына полиция наряды шығып, күдікті ұсталды, – деп хабарлады полиция қызметкерлері.

Куәгерлердің айтуынша, ер адамның іс-әрекетін көріп, көршілері оны қорқытқан. Күдікті қашуға тырысқанымен, қыздың көршісі оны қуып жетіп, полиция келгенше ұстап тұрған.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір