23 Қыркүйек, 2020 NEWS

Қазақстанның Денсаулық сақтау вице-министрі қызметінен босатылды

Фото: today.kz

Қазақстанның Денсаулық сақтау вице-министрі Людмила Бюрабекова қызметінен босатылды. Бұл туралы премьер-министрдің баспасөз қызметі хабарлады.

"ҚР Үкіметінің қаулысымен Людмила Витальевна Бюрабекова ҚР денсаулық сақтау вице-министрі лауазымынан босатылды" делінген ресми сайт таратқан хабарламада.

Людмила Бюрабекова 1973 жылы Қарағанды облысында дүниеге келген.

1997 жылы Қарағанды мемлекеттік медицина академиясын, 2004 жылы Қазақ фармацевтика институтын, 2014 жылы Халықаралық бизнес академиясын тәмамдаған.  

Еңбек жолын 2004 жылы Х. Ж. Мақажанов атындағы Қарағанды көпсалалы клиникалық ауруханасында дәрігер-клиникалық фармаколог болып бастады. 

Әр жылдары Қарағанды және Батыс Қазақстан облыстық денсаулық сақтау басқармаларында, ҚР Денсаулық сақтау министрлігінің құрылымында, Республикалық балаларды оңалту орталығында, Ұлттық медициналық холдингте, Медициналық технологиялар және ақпараттық жүйелер орталығында, ҚР Президенті Іс Басқармасының Медициналық орталығында жұмыс істеді.

Ол денсаулық сақтау вице-министрі лауазымына 2020 жылғы сәуірде тағайындалған болатын.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір