Нұрлан Нығматулин ұстаздарды мерекесімен құттықтады

Мәжіліс Төрағасы Нұрлан Нығматулин ұстаздарды кәсіби мерекесімен құттықтады.

Нұрлан Нығматулин өзінің Twitter-дегі жеке парақшасында жариялаған құттықтауында:

«Ұстаздарды кәсіби мерекемен құттықтаймын! Осындай қиын кезеңде де сіздер ұрпаққа білім беріп, ел болашағы үшін аянбай еңбек етіп келесіздер. Сіздерге алғысымыз шексіз. Баршаңызға зор денсаулық, ырыс-құт, береке тілеймін!» - деді.

Сонымен қатар, Палата Спикері Парламентте «Педагог мәртебесі туралы» арнайы заңның қабылданғанын, ол заң мұғалімдердің мәртебесін көтеріп, әлеуметтік жағдайын арттыруға ықпал еткенін атап өтті.