07 Қазан, 2020 Саясат Өзгерту

Әзербайжан президенті Путинмен Таулы Қарабахтағы қақтығысты талқылады

Фото: EADaily

Әзербайжан мен Ресей президенттері Ильхам Алиев пен Владимир Путин телефон арқылы Таулы Карабақтағы қақтығысты талқылады. Бұл екі көшбасшының аймақтағы соғыс басталғаннан бергі алғашқы әңгімесі, деп хабарлады РИА Новости сайты.

Әңгіме Бакудің бастамасы бойынша өтті.

"Президент Ильхам Алиев Ресей президентін туған күнімен құттықтап, оған Ресейдің дамуы мен өркендеуін және мемлекеттік қызметте жаңа табыстар тіледі" делінген Әзербайжан президентінің баспасөз қызметі таратқан ақпаратта.

Владимир Путин әріптесіне көңіл бөліп, құттықтағаны үшін алғыс айтты.

"Мемлекет басшылары армян-әзербайжан Таулы Қарабах қақтығысының төңірегіндегі жағдайды талқылады. Ильхам Әлиев пен Владимир Путин Әзербайжан-Ресей қатынастарының болашағы туралы пікір алмасты" делінген хабарламада.

Таулы Карабахтағы қақтығыс 27 қыркүйектен бері жалғасып келеді. Екі тарап жанжалдың басталуына бірін-бірі кінәлайды.

Таулы Карабах Әзербайжан Республикасы аумағындағы автономиялық облыс. Облыс толықтай Әзербайжанның аумағында жатыр. Ешқандай елмен шектеспейді.

1992-1994 жылдары Армения аймақта этникалық армяндардың тұрып жатқанын желеу етіп әскер күшімен Таулы Карабах өлкесі мен іргелес жатқан жеті ауданның жерін басып алған. Аккупацияланған жер Әзербайжан территориясының 20 пайызын құрайды.

Ол сәтте Таулы Карабахта 170 мың азамат тұрған. Оның 130 мыңы армяндар, қалғаны әзербайжандар еді.

1994 жылы облыста оқ атуды тоқтату туралы келісім жасалар сәтте Әзербайжан жеріне миллионға жуық босқын келген.

1994 жылдан бері аталған аймаққа қатысты келіссөздер АҚШ, Франция, Ресей теңтөрағалары саналатын ОБСЕ-нің Минск тобы деген атпен жалғасып келеді.

"Қамшы" сілтейді