"Армян тарапы міндетінен жалтармауы керек". Ердоған мен Путин сөйлесті

Түркия мен Ресейдің президенттері Тайып Ердоған мен Владимир Путин телефон арқылы Қарабақтағы атысты тоқтату режимін қадағалайтын орталық құру мәселесін талқылады. Бұл туралы Түркия басшысының әкімшілігіне сілтеме жасай отырып, ria.ru сайты хабарлады. 

"Ердоған Путинмен әңгімелесу кезінде Қарабақтағы дағдарыстың шешілуін және аймақтағы тұрақтылықты қамтамасыз ету бойынша қабылданған қадамдар шеңберінде Ресеймен бірге құрылатын бірлескен бақылау орталығының жұмысын тезірек бастау қажет екенін айтты" делінген әкімшілік хабарламасында.

Ердоған "келісімді жүзеге асыру барысында армян тарапы өз міндеттерінен жалтармауы керек"  деп баса айтты.