Фото: kommersant.ru
Нұрсұлтан Назарбаев "Самұрық-Қазына" ұлттық әл-ауқат қоры" АҚ басқарма төрағасы Алмасадам Сәтқалиев пен "Лукойл" компаниясының президенті Вагит Алекперовті қабылдады. Бұл туралы elbasy.kz сайты хабарлады.
Сайт мәліметінше, кездесуде мұнай-газ саласындағы әріптестікті дамыту мәселелері мен инвестициялық жобаларды жүзеге асыру жоспары талқыланған.
– "Лукойл" компаниясы – Қазақстанда бұрыннан келе жатқан ірі инвесторлардың бірі. Сіздер "Теңіз", "Қарашығанақ" сияқты кен орындарында жұмыс істейсіздер, "Каспий құбыр консорциумының" инфрақұрылымдық жобасына қатысып жатырсыздар, – деді Назарбаев.
В.Алекперов Елбасыға бірлескен жобаларды іске асыру, соның ішінде Каспий теңізіндегі бірқатар кен орындарын игеру арқылы Қазақстан экономикасына салынатын инвестиция көлемін арттыру жоспары туралы айтқан.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір