Фото: Ашық дереккөз
Атырау облысының әкімі Махамбет Досмұхамбетов журналистерге неліктен үйінен тамақ ішпейтінін айтты. Бұл туралы Ақ Жайық өңірлік басылымы хабарлады.
Журналистер өңір басшысынан әкім отбасы ай сайын азық-түлік сатып алуға қанша теңге жұмсалатынын сұрады.
– Мен Атырауда тұрамын, бірақ балаларым мен немерелерім Нұр-Сұлтанда тұрады. Әйелім кейде менімен, кейде олармен тұрады. Мен үйде тамақтанбаймын, – деп жауап берді әкім.
Досмұхамбетов облыс пен қаланың барлық мәселесінен хабардар екенін атап өтті.
— Мен күн сайын қаланы аралап жүремін, көбіне жұмыс істеймін, кеңседе болуды қажет ететін жұмыстар да бар, – деді ол.
Сондай-ақ өңір басшысы картоп пен сәбіз бағасы маусымаралық кезеңге байланысты өсіп жатқанын да айтты.
– Қазір маусымаралық кезең. Картоп пен сәбіздің бағасы өсуде. Қазір картоп Қазақстанның оңтүстік облыстары мен Ресейдің көршілес өңірлерінен әкелу шараларын қабылдап жатырмыз. Айта кету керек, картоптың бағасы қазірдің өзінде төмендеді, қазір оның бөлшек саудадағы бағасы 310 теңгені құрайды. Атырау облысы картоппен тек 44%-ке қамтамасыз етілген. Бағаны қатаң реттеу мүмкін емес, – деп жауап берді Махамбет Досмұхамбетов.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір