Бекшин педагогтер мен оқушыларға арнап жаңа қаулы шығарды

Алматы қаласының бас санитар дәрігері Жандарбек Бекшин биылғы оқу жылына арнап жаңа қаулы жариялады.

"2021-2022 оқу жылында барлық меншік нысанындағы және ведомстволық бағыныстағы білім беру ұйымдарында штаттық форматта оқуға рұқсат етілсін" делінген құжатта.

Бекшин 2021 жылғы 29 тамыздағы №36 қаулысына сәйкес төмендегідей талап енгізді:

• педагогтер мен персонал 100% вакцинациялануы қажет;
• ұйымға кіру кезінде "Ashyq" қосымшасын енгізу керек; 
• маска режимін сақтау қажет;
• бұқаралық іс-шараларды өткізуге тыйым салынады; (мәдени, тәрбие, сыныптан тыс және ата-аналар жиналыстары және т. б.)
• мектепке дейінгі және орта білім беру ұйымдарында топтар мен сыныптарды біріктіре отырып іс-шаралар өткізуге тыйым салынады;
• бөгде адамдардың кіруіне тыйым сала отырып, COVID-19-ға қарсы вакцинация алған студенттер жатақханаға орналаса алады.