Фото: Ашық дереккөз
Талибанның жоғары деңгейлі делегациясы келіссөздер жүргізу үшін Түркия астанасына келді. Ауғанстанның жаңа үкіметі дипломатиялық қолдау мен мойындауды жалғастыруда.
Ауғанстанның сыртқы істер министрінің міндетін атқарушы Амир Хан Муттаки мен басқа министрлер түрік жоғары лауазымды адамдарымен кездесіп, көмек, көші-қон, әуе көлігі мен сауда мәселелерін талқылайтыны хабарланды. Бұл туралы Ауғанстанның сыртқы істер министрлігінің баспасөз хатшысы Абдул Қахар Балхи бейсенбіде Twitter парақшасында жариялады.
Жақында ғана Түркия сыртқы істер министрі Мевлүт Чавушоглу журналистерге Ауғанстан астанасы Кабулға баруды жоспарлап отырғанын, Талибанмен келіссөздер жүргізетінін мәлімдеген.
Бұған дейін Катарда бірнеше күндік келіссөздер өтті. Келіссөздерде АҚШ және еуропалық шенеуніктерден Ауғанстанның оқшаулануын тоқтату сұралды, оның ішінде елді құлдырататын қаржылық шектеулерді жеңілдету туралы айтылды.
Талибан Ауғанстанды бақылауға алғаннан кейін НАТО-ға мүше Түркия Кабулдағы елшілігін жаппады және Батыс елдерін Ауған билігімен қарым-қатынасты орнатуға шақырды. Сонымен бірге, Стамбул халықаралық қауымдастық Талибанмен неғұрлым инклюзивті әкімшілік құрған жағдайда ғана жақсы нәтижелі жұмыс істеуге болатынын айтты.
Түркия сонымен қатар Ауғанстан астанасы Кабулдағы әуежайды пайдалануға және оны халықаралық сапарларға қайта ашуға көмектесу үшін Катармен жұмыс жүргізуде.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір