Фото:Informburo.kz
Оның айтуынша, 21 сәуір күні Наурызбай ауданы полиция басқармасына жәбірленуші баланың әкесі баласын зорлағанын айтып арызданған. Арыз қылмыстық кодекстің 121-бабы (Сексуалдық сипаттағы зорлық-зомбылық әрекеттері) бойынша тіркелген.
Рустам Әбдірахманов қазіргі уақытта тиісті сараптама тағайындалып, қажетті тергеу әрекеттері басталғанын, процессуалдық прокурор белгіленіп, тергеу барысы қадағаланып отырғанын жеткізді.
Алайда зорлық-зомбылыққа қарсы "НеМолчиKZ" қорының негізін қалаушы Дина Смаилова іс бір орында тұрғанын айтып, президенте үндеу жолдады.
"Зорлаушылар мен олардың ата-аналары бостандықта жүр. Оқушылары жауапкершілікке тартылмаған. Полиция қимылдамай отыр" деген ол күдіктілердің бірімен ғана көзбе-көз беттестіру болғанын жеткізді.
Сөзінше, күдіктілер үшеу, бәрі 7-сынып оқушылары.
Оқиға Алматыдағы жекеменшік "Mariam" мектебінде болған. Зорлық көрген баланың әкесі бірнеше ай бұрын баласы мектептен басы мен аяғы көгеріп келгенін байқаған. Мектептегілерден сұрағанында олар мән-жайды түсіндірмеген. Ал сәуірде ұлын зорлағанын білген. Ұлы зорлау фактісі 10-12 рет болғанын, зорлаушылардың үшеу екенін айтқан. Жәбірленуші мектеп директоры жағдай туралы тіл қатпай отыр дейді.
Білім және ғылым министрлігі аталған дерек бойынша тексеріс бастағанын мәлім етті.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір