Сатыбалдыұлы мен Боранбаевтың ісіне қатысты мәліметтер айтылды

Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссия өкілдері Қайрат Сатыбалдыұлы, Гүлмира Сатыбалды, Қайрат Боранбаев және "ӨКМ операторы" ісіне қатысты кейбір мәліметті жариялады, деп хабарлады Tengrinews.kz. сайты.

Комиссия ірі көлемде, оның ішінде шетелде ақшаны жылыстату белгілері бар ең резонанс істерді тергеу ерекше бақылауда екенін атап өтті.

"Қазіргі уақытта тергеу органдары қабылдаған шаралар бойынша 230 миллиард теңгеге жуық шығын өтелді, оның ішінде шетелдік юрисдикциялардан қайтарылды. Мысалы, Сыбайлас жемқорлыққа қарсы қызмет тергеп жатқан іс бойынша сотталушылар 170 миллионнан аса долларды өз еркімен қайтарды. Люксембургтен "Қазақтелеком" АҚ, "Көлікке қызмет көрсету орталығы" АҚ және басқа компаниялар мүлкін жымқыру ісі бойынша тергеу органына 36 миллиард теңгеге жуық шығын өтелді", - деді комиссия өкілдері.

Боранбаевқа қатысты істі тергеу барысында "ҚазМұнайГаз" АҚ Қаржы мониторингі агенттігінің 11,3 миллиард теңгеге жуық шығынды өтегені атап өтілді.

Жамбыл облысында сеніп тапсырылған бөтеннің мүлікін иемдену және жымқыру фактісі бойынша қозғалған қылмыстық іс аясында "ТаразЭнергосбыт" АҚ мемлекеттік ұйымына 2,2 миллиард теңге қайтарылды.

"ӨКМ Операторына" қатысты 180 миллиард теңгеге жуық қаражаттың ұрлануына жол берілмеді ("ӨКМ" ЖШС шотынан "Жасыл Даму" АҚ  шоттарына аударылған ("ӨКМ Операторы" ЖШС акцияларының 100 пайызына иелік ететін мемлекеттік ұйым), оның 100 миллиардқа жуығы жеңілдетілген автонесиелерге бағытталды.