Жоғалып кеткен 5 жасар қызды іздеу: Полиция тістелген жүгері тапты

Қостанайда жоғалып кеткен 5 жасар қызды іздеу барысында жүгері алқабынан тістелген жүгері табылған. Іздеу жұмыстары тағы төрт бағытқа кеңейтілген. 

Іздестіру жөніндегі жедел штаб мәліметінше, мамандар осы уақытқа дейін әуеден 12-ден астам өрісті шарлап, жаяу 8 өрісті тінтіп шыққан.

"Жол бойында полиция қызметкерлері су мен тамақ өнімдерін қалдырады. Қыз бала әлі анықталған жоқ. Пайдаланылған аумақты ескере отырып, іздеу аймағы төрт бағытта кеңейтіледі. Бірінші – Жамбыл ауылы – Тобыл өзені, екінші – Алтын дала ауылы, үшінші – Қостанай қаласы, төртінші – Самир ауылы. Сонымен қатар, Тобыл өзенінің арнасын тексеру жалғасуда. Кеше жүгері алқабында бала тістерінің іздері бар жүгері қобдишасы табылды. Ол сараптамаға жіберілді. Таңертеңнен бастап екі тікұшақпен және бір ұшақпен әуе патрульдері жүргізілуде" делінген полиция хабарламасында.

7 тамыз күні таңғы бестер шамасында Қостанай облысы Жамбыл ауылында 5 жасар Мадина Ерланқызы жоғалып кеткен. Ықтималды нұсқа бойынша, бүлдіршін терезеден шығып, белгісіз бағытқа кетіп қалған. Үстінде іш киімнен басқа ештеңе болмаған. Мадина аутизмге шалдыққан, сөйлей алмайды.