• USD 468.56

  • EUR 497.56

  • RUB 7.3

  • CNY 67.18

28 Наурыз, 18:48:33
Алматы
+35°

фото: AMANAT партиясының Атырау облыстық филиалы

Жаңа есім. Біздің кандидат

«Менің ойымша, депутат халықтың өз ішінен шығып, барлық жағдайын көрі, естіп жүрген адам. Оның мақсаты – халықтың үні болу. Себебі халық «Менің сөзімді айтады, проблемамды шешеді» деп оны таңдады». Атырау қаласы мәслихатының депутаттығына №4 бірмандаттық аумақтық сайлау округі бойынша кандидат Ақылбек Құлбараховтың өмірлік ұстанымы осындай.

«Қарапайым отбасынан шықтым, ата-анам өмір бойы еңбек етті. Тек адал еңбек, маңдай тер, айналаңа қол ұшын беру, көмектесу – бала кезімнен көріп өскен, бойыма сіңірген принциптерім» деген Ақылбек Нұрболатұлы – еңбек жолын қарапайым жұмысшыдан бастаған, бүгінде бірнеше серіктестіктердің басын біріктірген табысты кәсіпкер.

Атырау политехникалық колледжін, кейін Атырау мұнай және газ институтын «Мұнай және газ ұңғымаларын бұрғылау» мамандығы бойынша тәмамдаған және Орал қаласындағы БҚИТУ «Құрылыс» мамандығын үздік бітірген ол түрлі лауазымдардан басшылық лауазымға дейін шет елдік мекемелерде жұмыс атқарды.

AMANAT

2014 жылдан бастап «Bek Consulting» мекемесін құрып кәсіпке бет бұрған ол – қазіргі таңда 50-ден аса жоғары білікті қызметкерлері бар: «Bek Consulting» ЖШС, «Bek Industry Group» ЖШС, «Bek Engineering» ЖШС, ПТК «ВЕК» ЖШС-терінің негізін қалаушысы және  құрылтайшысы.

Өз сайлауалды бағдарламасында сайлау округінің шекарасына кіретін Геолог, Бірлік ауылдары мен Мирас тұрғын үй алабының дамуын көздейтін негізгі бағыттарды айқындаған.

Сайлауалды үгіт-насихат жұмыстары аясында халықпен тікелей кездесіп, ауылдарды аралауда. «Тұрғындар көтерген мәселелер толық шешімін тапқанша бақылау, құзырлы мекемелерге хабарласып, талап ету – біздің мақсатымыз» дейді кандидат Ақылбек Құлбарахов. 

Тапсырыс беруші: AMANAT партиясының Атырау облыстық филиалы

AMANAT партиясының Атырау облысының сайлау қоры қаражатынан төленді

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір