• USD 468.56

  • EUR 497.56

  • RUB 7.3

  • CNY 67.18

02 Наурыз, 01:07:27
Алматы
+35°

Бүгін Мәдениет және ақпарат министрлігі Қазақстандағы ЛГБТ сайтын бұғаттады, деп хабарлайды KazFace.kz. ЛГБТ сайты бұғатталғанға дейін басты бетінде "Selftanu.kz бұл – ЛГБТК+ жасөспірімдер мен өзін-өзі түсінгісі келетіндерге арналған жоба...", деп жазылған болатын. 

Аталған сайттағы мақалалар мазмұны қазақстандықтардың наразылығын тудырды. Дәстүрлі емес жыныстық бағдарды насихаттауға арналған ЛГБТ+ жасөспірімдер сайты елімізде алғаш тіркелген күні көпшілік қарсылық танытып петиция жариялады. KazFace.kz редакциясы аталған сайтты бұғаттаудың себебі туралы түсініктеме алу үшін ақпарат министрлігіне жүгінді.

"Интернет-ресурстағы мониторинг барысында "selftanu.kz" Балалардың денсаулығы мен дамуына зиян келтіретін ақпаратты таратуға байланысты заңнаманың бұзылуы анықталған. Балалардың құқықтарын қорғау жөніндегі уәкілетті органның шешімі бойынша Қазақстанда балалар мен жасөспірімдер арасында ЛГБТ қозғалысының идеяларын ашық интернет-ресурстарында тарату қауіпті. Ол мемлекеттік мәдени құндылықтар мен тарихи және дәстүрлі қағидаларымызға қайшы. Балалардың психо-жас ерекшеліктерін ескеріп, ақпараттық қауіпсіздік шараларын орнату негізінде бұғатталған.
Қазақстан Республикасының "Балаларды денсаулығы мен дамуына зиян келтіретін ақпараттан қорғау туралы" заңда жыныстық-эротикалық сипаттағы материалдарға тыйым салынғаны көрсетілген.

Сондай-ақ, "Бала құқықтары туралы" заңда порнографияны тарататын, балаларға зиянды әсер ететін және құқық бұзушылықтар жасауға ықпал ететін бұқаралық ақпарат құралдарын пайдалану да заңмен қудаланады және оларды таратуға тыйым салынады делінген.

Аталған себептер бойынша министрлік "selftanu.kz" интернет-ресурсына шектеу шараларын қабылдады. Сондай-ақ Министрлік өкілі аталған сайт заң талаптарын орындап, ескерту орындалған жағдайда интернетке қосылу қайта қалпына келтірілетінін атап өтті.

"Қамшы" сілтейді
Ілмек сөздер: ЛГБТ сайты Қазақстан

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір