14 Ақпан, 2024 Барлық аймақтар
Щучинскіде әскери колледж кадеті көз жұмды
Қорғаныс министрлігінің баспасөз қызметі хабарлағандай, қайғылы оқиға 13 ақпанда болған.
Ашық дереккөзден алынды
«Ш. Уәлиханов атындағы Әскери колледжінде 1-курс кадеті тәуліктік кезекшілік міндетін өтеуге кірісу барысында бекітілген қарудан өз-өзіне оқ жарақатын жасау нәтижесінде мерт болды», - делінген хабарламада.
Аталған факт бойынша қылмыстық іс қозғалып, оқиғаның себептері мен мән-жайы анықталу үстінде. Тергеу мүддесіне сәйкес басқа ақпарат жария етілмейді.
«Қорғаныс министрлігінің басшылығы және Әскери колледждің жеке құрамы кадеттің отбасы мен жақындарына қайғыларына ортақтасып көңіл айтады», - делінген мнистрдік хабарламасында.
ҚР Қорғаныс министрлігіне қарасты Шоқан Уәлиханов атындағы әскери колледжі Ақмола облысының Щучинск қаласында орналасқан. Колледж Қарулы Күштер үшін кәсіби сержанттар дайындайтын негізгі орталық саналады.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір