Ақпан айында инфляция өсіп, қымбатшылық үдеген

Ал жылдық көрсеткіште, керісінше инфляция ентігін басып, 9,3%-ды құрады.

Мына нарық сегменттерінде қымбатшылық байқалады:

• ақылы қызметтердің бағасы бір жылда 12,8% (алдыңғы ай - қаңтарда – 12,3%);
• азық-түлікке жатпайтын тауарлар – 8,5% (қаңтарда – 8,6%);
• азық-түлік тауарлары – 7,4% өсті (қаңтарда – 8,2%).

Тарқатып айтқанда:

• кешенді демалыстарды ұйымдастыру қызметтеріде баға 21,5% қымбаттады.
• санаторийлер қызметтері – 16%;
• денсаулық сақтау қызметтері – 13,9%;
• демалыс және спорттық іс-шаралар саласындағы қызметтері – 13,3%;
• шаштараздар мен жеке қызмет көрсету орындары – 13,1%;
• ұялы байланыс қызметтеріне 12,4% жоғарылады.

Бағасы өскен азық-түлік өнімдері:

• күріш – 26%;
• жұмыртқа – 18,3%;
• жемістер – 17,2%;
• минералды және ауыз су – 16,9%;
• салқындатылған сусындар – 16,6%;
• алкогольді ішімдіктер және темекі өнімдер – 14,4%;
• жеміс және көкөніс шырындары – 12,5%;
• сары май – 12,2%.
• пастерленген сүт – 11,3%,
• консервіленген сүт – 11,2%,
• тоқаш және ұннан дайындалатын кондитер өнімдер – 11%,
• майлылығы 2,5% айран – 10,9%,
• макарон өнімдері және қамырдан жасалған өнімдер – 10,4%,
• балық және теңіз өнімдері 10,1% қымбаттады.

Ал, керісінше пияз – 42,5%, қарақұмық жармасы – 24,3%, күнбағыс майы – 21,2%, құмшекер – 14,8%, картоп 12% арзандады.

Өткен жылғы ақпанмен салыстырғанда тарифтер мынша пайызға өсті:

• су бұру – 33,9%;
• орталықтан жылыту қызметі – 30,9%;
• суық су – 30,8%;
• қоқыс шығару – 30,7%;
• ыстық су – 29,4%;
• электр энергиясы 19,9% өсті.

Жол-пұл, тасымал қызметі:

• такси қызметі – 11,7%;
• қалалық автобус қызметі – 9,3%,
• жолаушылар теміржол тасымалы қызметі – 8,7%,
• қалааралық автобус қызметі 8,2% қымбаттады. Ал әуе билетінің құны 4%-ға арзандаған.

Жалпы, дизель отыны – 14,5%, бензин – 13,6%, баллондағы сұйытылған газ 12,9% қымбаттады.

Айта кетсек, Қазақстандағы жылдық инфляция 2024 жылғы қаңтарда 9,5%-ды құраған болатын.