23 Сәуір, 2024 Барлық аймақтар
Қазақстанға Ресейден әкелінген қызанақтан қауіпті вирус анықталды
Өсімдіктер карантині жөніндегі мемлекеттік инспекторлар 2700 дана пакеттегі қызанақтың тұқымдары қауіпті вируспен залалданғанын анықтады, - деп хабарлайды Qamshy.kz ақпарат агенттігі ҚР АШМ Агроөнеркәсіптік кешендегі мемлекеттік инспекция комитетіне сілтеме жасап.
Фото: Astana.tv
«Астана теміржол» ФББ өсімдіктер карантині жөніндегі мемлекеттік инспекторлармен карантиндік фитосанитариялық бақылау қадағалау жұмыстарын жүргізу барысында Ресей Федерациясы аумағынан әкелінген 108 орын немесе 2700 дана болатын бума пакетте қызанақтың тұқымдары қауіпті вируспен залалданғанын анықтады. Өнім елорда аумағына еңгізуге тыйым салынды және «НТП Kazecotech» компаниясының мамандандырылған пешінде өртеу әдісімен жойылды.
Қызанақтың қоңыр қатпарлы вирусы (тобамовирус, ToBRFV) тұқымдарда сақталады және байланыс арқылы оңай таралады. Бұл вирустың адам денсаулығына зияны жоқ, алайда Solanaceae тұқымдас барлық дақылдарды зақымдайтын қауіпті патоген. Вирус жаппай таралған жағдайда өнімнің 80%-ға дейін жойылуы мүмкін», - деп жазылған хабарламада.
Сонымен қатар аталған факті бойынша ӘҚБК-нің 400-бабы 2-бөлігінің 1) тармағы негізінде өнім иесіне әкімшілік іс қозғалып, 103 376 теңгеге айыппұл салынды.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір