Әйелін ұрған дипломат жұмыстан босатылды

Әйелі Карина Мамашты ұрды деген күдікке ілінген Қазақстанның Біріккен Араб Әмірліктеріндегі елшісінің кеңесшісі Сәкен Мамаш қызметінен босатылды. Бұл туралы Сыртқы істер министрлігі хабарлады. 

"Карина Мамаштың жұбайы 6 мамырда елшіліктен Қазақстанға дереу қайтарылады деген тапсырма берілді. 9 мамырда елге келіп, шекарадан асқаннан кейін қолда бар заңға сәйкес біз оны өз лауазымынан босаттық", — деді сыртқы істер министрлігінің ресми өкілі Айбек Смадияров.

Сонымен қатар, ол Карина Мамашқа қолдау көрсетіліп жатқанын мәлімдеді.