23 Мамыр, 2024 NEWS
Маңғыстау облысының шекарасы өзгерді
Қазақстан Республикасы Үкіметінің 2024 жылғы 17 мамырдағы қаулысымен Маңғыстау облысының шекарасы өзгертілді, - деп хабарлайды Qamshy.kz ақпарат агенттігі inform.buro-ға сілтеме жасап.
![](/media/2024/05/23/crop-8_16_666x1184_645b67e282d8d539398264.jpeg?width=600&height=480)
Фото: ашық дереккөзден
"Маңғыстау облысының шекарасы Қазақстан Республикасының Каспий теңізіндегі аумақтық суларының (теңізінің) ені мен аумақтық сулардың сыртқы шегін өлшеуге арналған негіздік сызықтар арасындағы жерлерді ( 1 638 837,5075 га) Маңғыстау облысының аумағына қосу жолымен өзгертілсін", – делінген құжатта.
Ендігі жерде Маңғыстау облысының шекарасы төмендегідей сипат алады:
Маңғыстау облысының солтүстік шекарасы Атырау облысының әкімшілік бағынысындағы аумақтардың қолданыстағы шекаралары бойынша өтеді;
Солтүстік-Шығыс шекара Ақтөбе облысының әкімшілік бағыныстағы аумақтарының қолданыстағы шекаралары бойынша өтеді;
Оңтүстік шекара Қазақстан-Түрікмен мемлекеттік шекарасы бойынша өтеді;
Оңтүстік-шығыс шекара қазақстан-өзбек мемлекеттік шекарасы бойынша өтеді;
Батыс шекара Каспий теңізіндегі Қазақстан Республикасының аумақтық суларының (теңізінің) сыртқы шегі бойынша өтеді.
Маңғыстау облысындағы аумақтық сулар (теңіз) ені бойынша облыс шекарасынан бастап бастапқы сызыққа дейінгі аумақ төмендегідей:
Ақтау қаласы бойынша 87171,2282 гектар;
Бейнеу ауданы бойынша 81805,1200 гектар;
Қарақия ауданы бойынша 513287,6044 гектар;
Маңғыстау ауданы бойынша 150105,7313 гектар;
Мұнайлы ауданы бойынша 49808,5611 гектар;
Түпқараған ауданы бойынша 756659,2625 гектар.
Қаулы 2024 жылғы 2 маусымнан бастап қолданысқа енеді.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір