27 Мамыр, 2024 NEWS
Шымкентте қаладағы ең үлкен мешіт ашылды: Оған бір мезетте 12 мың адам сияды
Шымкентте ең үлкен мешіт қолданысқа берілді. Лентасын Сауд Арабиясынан арнайы келген шейх қиды.
Фото: ашық дереккөзден алынды
Сырты ақ мәрмәрмен көмкерілген рухани орталықтың аумағы 12 гектарды алып жатыр. Ал оның ішіне 12 мың адам сияды. Сейтжан қари есімі берілген құлшылық орнын белгілі кәсіпкер Серікжан Сейтжанов салған.
“Осындай деңгейге жетуге бірінші Алла, екінші бабаларымыз, үшінші өзімнің әкеме арнап сол кезде әкемізде 6 жастан бастап 12 жаста құранды жаттап алған қари болған кісі. Осы жағдайдың бәрі атамыздан, әкемізден тараған. Ал енді соның үлкен салтанатты ақмешіттің ашылуына келіп отырмыз. Сіздерге мың да бір рақмет!” – деді кәсіпкер.
Мешіттің ашылуына Сауд Арабиясынан арнайы келген шейх кесті. Құранды бірнеше тілде қағаз бетіне түсірген каллиграфтың атасы қазақ екен. Атамекеніме келгеніме қуаныштымын деген құрметті қонақ жұмада жиналған жамағатқа ақ батасын берді.
Шейх Осман Тоһа, каллиграф:
“Бұл жерге бірінші рет келіп отырмын. Қазақстан туралы, қазақтар туралы айтар болсам олар сондай жомарт халық екен. Ақкөңіл. Жүректерінде дінге деген, құранға деген махаббат бар. Осындай халықтың ортасына келгеніме мен қуаныштымын”,- дейді.
P.S: Ғимаратта 1100 орынға арналған конференц-зал, 600 орынға арналға ас беру орны, 100 орынға арналған неке қию залы, 428 орынға аарналған кіші дәрет алу орны, медресе мен кітапхана бар.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір