14 Мамыр, 2024 NEWS
Қоғам қайраткері Мұрат Әуезов қайтыс болды
Ол қазақтың заңғар жазушысы — Мұхтар Омарханұлы Әуезовтің ұлы.
Фото: ашық дереккөзден
Мәдениеттанушы-ғалым, дипломат, мемлекет және қоғам қайраткері Мұрат Әуезов 82 жасында қайтыс болды.
Ақпаратты Алматы қаласы Мәдениет басқармасы растады.
Мұрат Әуезов 1943 жылғы 1 қаңтарда Жамбыл облысы Меркі ауылында дүниеге келген. Ол – қазақ әдебиетінің көрнекті жазушысы, драматург, ғалым, қазақтың тұңғыш "Абай жолы" роман-эпопеясының авторы Мұхтар Әуезовтің ұлы.
Мұрат Әуезов 1965 жылы М.В. Ломоносов атындағы Мәскеу мемлекеттік университетінің Шығыс тілдері институтын филолог-шығыстанушы мамандығы бойынша бітірген. Қазақстан өз тәуелсіздігін жариялаған кезде елді өзгертуге белсене қатысқан. Парламент депутаты болып, әдеби зерттеулермен айналысты, Қазақстан Республикасының Қытай Халық Республикасындағы тұңғыш Елшісі қызметін атқарды.
Ол – көркемдік процестің теориясы мен практикасы бойынша 200-ден астам жарияланымның, сондай-ақ "Уақыт байланыстырушы - жіп", "Иппокрена. Уақыт құдықтарына бару" және "Қайту үшін кету" монографияларының авторы.
Мұрат Әуезов 2007 жылдан бері Мұхтар Әуезов атындағы қорды басқарып келді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір