Елтаңбаны өзгерту мәселесі жақын уақытта қарастырылмайтын болды

Елтаңбаны өзгерту мәселесі күн тәртібінен алынды. Бұл туралы Vlast.kz басылысына Мәдениет және ақпарат министрлігі хабарлаған.

Ведомство Елтаңбаны өзгерту жақын уақытта талқыланбайтынын мәлім етті.

Бұған дейін президент Қасым-Жомарт Тоқаев ұлттық құрылтайда мемлекеттік Елтаңбаны өзгертуді ұсынған.

– Елтаңбамызға қатысты сыни пікірлер айтылып қалады. Оны Кеңес заманындағы Гербке ұқсатып жатады. Тым эклектикалық, күрделі дейді. Мұндай ойды ел ісіне бей-жай қарамайтын белсенді азаматтар ғана емес, мамандар да айтып жүр. Орынды пайымдар ескерусіз қалмауы керек. Ортақ келісімге келген жағдайда арнаулы комиссия құруға болады. Бұл комиссия мәселені жан-жақты қарастырып, қоғамдық талқылау өткізеді. Сосын Қазақстанның жаңа Елтаңбасының жобасын жасауға ашық байқау жарияланады, – деген Тоқаев.