ШЫҰ саммиті аяқталып, террористік қауіптің «сары» деңгейі алынды – жедел штаб

Осыған байланысты «Терроризмге қарсы іс-қимыл туралы» Заңның 13 және 15-баптарына сәйкес күзетілетін тұлғалардың қауіпсіздігін қамтамасыз ету бойынша Күзет іс-шараларын өткізу кезінде терроризмге қарсы күрес жөніндегі республикалық жедел штабтың басшысы ретінде Қазақстан Республикасы Мемлекеттік күзет қызметі бастығы терроризмге қарсы операция режимін 4 шілденің 23 сағат 59 минутынан Астана қаласында алып тастау туралы шешім қабылданды.

Сонымен қатар Қазақстан Республикасы Президентінің 2013 жылғы 9 тамыздағы №611 Жарлығымен бекітілген «Терроризм актісі қатерінің туындауы туралы ақпарат мониторингінің және халықты хабардар етудің мемлекеттік жүйесінің ұйымдастырылуы мен жұмыс істеу қағидаларына» сәйкес Астана, Алматы, Қарағанды және Көкшетау қалаларында 4 шілденің 23 сағат 59 минутынан террористік қауіптіліктің бірқалыпты («сары») деңгейі алып тасталынады.

«Күштік құрылым бөлімшелері штаттық режимдегі жұмысқа көшеді»,-делінген Терроризмге қарсы күрес жөніндегі республикалық жедел штаб хабарламасында.