13 Тамыз, 2024 NEWS
Сирияда 4,8 балдық жер сілкінісі болды
Германияның геологиялық ғылымдарды зерттеу орталығының мәліметі бойынша, дүйсенбі күні кешке Иордания мен Сирияда 4,8 баллдық жер сілкінісі болды. Оның салдарын екі елдің, сондай-ақ Ливан тұрғындары да сезінді.
Кһрнекі сурет
Жер сілкінісі 10 шақырым тереңдікте болды, - деп хабарлады зерттеу орталығы. Бұған дейін магнитудасы 5,46 деп хабарланған, бірақ бірнеше минуттан кейін ол төмендетілді, деп хабарлайды Reuters.
Сирия ұлттық сейсмологиялық орталығы соңғы жер сілкінісінің ошағы Хама қаласынан шығысқа қарай 23 шақырым жерде болғанын хабарлады. Бақылау станциялары 13 жерасты дүмпуін тіркеді.
Сирия Араб ақпарат агенттігінің (SANA) хабарлауынша, Хамада немесе зардап шеккен басқа провинцияларда болған екі жер сілкінісінен айтарлықтай шығын келтірілмеген немесе жарақат алғандар жоқ.
Сириялағы Хама қаласының денсаулық сақтау қызметінің директоры Махер Юнистің айтуынша, жер сілкінісінен кейін кем дегенде 25 адам жеңіл немесе орташа деңгейде жарақат алған. Хама қаласынан шығысқа қарай 30 шақырымдай жерде орналасқан Саламия қаласында тұрғындар жаппай көшеге шықты.
Сондай-ақ Израильдің солтүстік және орталық аймақтарында магнитудасы 4 балға дейінгі дүмпулер қатары тіркелді. Жерасты дүмпулері Тель-Авив, Реховот, Ришон-Лезион, Хайфа және басқа елді мекендерде сезілді.
Израильдің геофизика институты жер сілкінісінің эпицентрі Сирия астанасы Дамаск маңында болғанын хабарлады.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір