Қайрат Сатыбалды мемлекетке тағы 50 млрд теңгенің активін қайтарады

Қайрат Сатыбалды тағы 50 млрд теңгеден астам активті мемлекетке қайтарады. Бұл туралы Бас прокуратураның активтерді қайтару комитеті мәлімдеді.

Комитеттің ақпаратынша, қайтарылатын активтер:

• 20 млрд теңге тұратын Дубайдағы екі вилла;

• Франция жағалауындағы 4 млрд теңге тұратын төрт элиталық пәтер;

• 5 млрд теңге болатын Мәскеу қаласындағы беделді тұрғын үй кешендеріндегі 15 жылжымайтын мүлік;

• Құны 4 млрд теңгеден астам Түркияның Бодрум мен Стамбул қалаларындағы екі элиталық вилла және пәтер.

Айта кетейік, бұған дейін сыбайлас жемқорлыққа қарсы іс-қимыл агенттігі Қайрат Сатыбалдыдан қайтарылған дүние-мүліктің тізімін жариялаған болатын.