Блок-бекеттер қойылды. Алматы облысында күдікті изолятордан қашып кетті

- Уақытша ұстау изоляторынан адам зорлады деген күдік бойынша қамауда отырған азамат К қашып кетті. Осыған байланысты "Сирена" жоспары енгізілді. Негізгі жолдарға блок-бекеттер қойылып, қашқынды іздеп табу және ұстау үшін барлық күш пен құралдар жұмылдырылды, - делінген Алматы облысы полиция департаменті таратқан хабарламада.0

Сонымен қатар күдікті изолятордан қалай қашып кеткенін анықтау үшін қызметтік тексеру тағайындалды. Жағдай облыстық полиция департаменті басшылығының бақылауында.