• USD 378.65
  • EUR 430.07
  • RUB 6
  • CNY 55.1
19 Шілде, 18:11:52
Путин Зеленскийге барлық тұтқынды алмастыруды ұсынды

15 Маусым, 2019 Әлеумет

Елордалық полицей атышулы видеода намысына тигендерге жауап берді (видео)

Автобус ішінде түсірілген видеода ұлты қазақ әскери қызметшінің намысына тиетін сөздер айтып, қысым көрсеткен бір топ адамды көруге болады.

Желіде астанада митингіге шыққандарды ұстаған әскери қызметкердің видеосы жарияланды - деп хабарлайды Qamshy.kz ақпарат агенттігі Tengrinews.kz сайтына сілтеме жасап.

Автобус ішінде түсірілген видеода ұлты қазақ әскери қызметшінің намысына тиетін сөздер айтып, қысым көрсеткен бір топ адамды көруге болады. Әнші Раимның жеке орындауындағы "Ауылымды сағындым" әнімен сүйемелденген ролик әлеуметтік желілерде таралып жатыр.

Нұр-Сұлтан қалалық полиция басқармасының ресми өкілі Софья Қылышбекованың айтуынша, видеодағы әскери адам - полиция аға лейтенанты Марат Байдүйсенов. Ол құқық қорғау органдарында 2015 жылдан бастап қызмет етеді. Екі баланың әкесі. 

"Бұл оқиға 9 маусымда қоғамдық тәртіпті сақтау шаралары аясында болған жағдай. Полицей өзін мұндай жағдайларда ұстаудың үлгісін көрсетіп, аса білікті қызметкер ретінде көрінді. Заң аясында әрекет етіп, берген сертіне берік болды. Намысына тиетін қаншама сөздер мен түсіріп жатқан қысымға шыдап, арандатуға ермеді. Бұл нағыз полицейдің үлгісі", - деп пікір білдірді ол. 

Кейін офицердің желіде тараған видеоға қатысты жауабы айтылған тағы бір ролик жарияланды. Онда полиция аға сержанты митинг кезінде бірнеше адамды автобусқа отырғызуға қатысқанын айтты.

"Автобус ішінде олар маған түрлі жаман сөздер айтты. Мен бәріне шыдадым. Өйткені қарусыз адамға қарсылық көрсеткім келмеді. Олардың жасағаны дұрыс емес, әрине, бірақ ондай сәттерде провокацияға жол бермеу үшін соңына дейін шыдау қажет деп ойлаймын. Біз жұмысқа тұрғанда қызметімізді адал атқаруға, адамдардың қауіпсіздігін сақтауға, қылмыспен күресуге ант береміз. Сондықтан мемлекеттің тұрақтылығын сақтау үшін кез келген заңбұзушылықпен соңына дейін күресеміз. Бұл біздің міндет", - дейді Марат Байдүйсенов жауабында.

Қате тапсаңыз, қажетті бөлікті таңдап ctrl+enter басыңыз.

Пікір қалдыру

2 пікір

Askar Askar 16 Маусым, 2019

Полицай биздин елде ол Адам емес.Ол био робот.Дуние жузи халыктары озине комекке Аскерди шакырады.Народ и Армия едины деген создан шыккан.Полицай погон,приказ тагы баска Аскердин атрибутикасын озине жакындатып ,Аскерге уксамау керек.Полицайларга тек повязка беру керек.Честь,приказ деген Аскердин сози.Полицайга заказ на работу ,контракт на работу сонын озин жетеди.Аскер полицай болмайды ал полицай Аскер болмайды.Болган жагдайдын озинде ол тек пародия бола алады.Казак елинде.Демократия,Капитализм,Ислам,Християн тагы баскалары бари, биздин елге келгенде пародияга айналып кетеди.Капитализма ол ана Европада.Ислам ол Араб тубегинде.

Мен 16 Маусым, 2019

Райымның пікірі менің ойымша ондвй емес - мәжбүрлеп айтқызған.

Алма 17 Маусым, 2019

оларды машинага отыргызганын--- заң бұздың