• USD 389.52
  • EUR 429.21
  • RUB 6.07
  • CNY 54.94
14 Желтоқсан, 03:25:47
Қазақстан Украинаның сауда нарығына алаңдаулы

25 Маусым, 2019 Оқиғалар

Арыс қаласының 16 көшесінен жарылмаған 70-тен астам снаряд табылған

ҚР Қорғаныс министрінің орынбасары, генерал-майор Бақыт Құрманбаевтың қатысуымен брифинг өтті

ҚР Қорғаныс министрінің орынбасары брифинг берді деп хабарлайды Qamshy.kz ақпарат агенттігінің Арыс қаласына арнайы барған тілшісі. 

Вице-министрдің айтуынша, Арыс қаласындағы оқ-дәрілер мен снарядтарды залалсыздандыру әлі бітпеген. Кемі екі үш күн бойы Арыс тұрғындары қалаға кіргізілмеуі мүмкін.

Қорғаныс министрлігінің күшімен қала аумағы бойынша қоршау жұмыстары ұйымдастырылды (ҚР ҚК жекеқұрамының 800 адамы, 50-ден астам әскери техника қолданылды).

Оның ішінде 125 сапер қала көшелерінде, теміржол бойында және әскери бөлімге іргелес аумақта тазалауды жүзеге асырып жатыр. Өзге әріптестері жеке құрамды барлық қажеттіліктермен қамтамасыз етуге және қала мен әскери қалашықтың аумағын қоршауға қатысып жатыр.

Ауада ұшқышсыз үш аппарат ұшырылып, өрт ошақтарын бақылауға алынды. Бүгінгі күні 3 от орны анықталды. Десек те, ірі жарылыс орын алмады. Дегенмен, тұрақты қауіпті жағдай сақталды.

Қалада және іргелес аумақта радиациялық көрініс қалыпты жағдайда.

Жарылмаған снарядтардың тұрғын үйлерге түсуі - мина жою жұмысын күрделендіре түсуде. Мұндай үй-жайларға саперлерді жіберу прокуратура, полиция және жергілікті атқарушы билік органдары қызметкерлерінің ілесіп жүруімен жүзеге асырылады.

Арыс қаласының 16 көшесінен жарылмаған 70-тен астам снаряд табылған.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір