• USD 378.65
  • EUR 430.07
  • RUB 6
  • CNY 55.1
19 Шілде, 19:09:20
Путин Зеленскийге барлық тұтқынды алмастыруды ұсынды

12 Шілде, 2019 Айтты-ей, бауырың!

Тоқаевқа Алмас Аxметбекұлынан ашық хат: "Алыста қалған ағайын азат Отанына оралса..."

Ашық хат

Құрметті Қасым-Жомарт Кемелұлы!

Еліміздің xалық сайлаған басшысы Сіздің қызметіңізге табыс тілейміз. Әрбір ұқыпты қадамыңыз ұлтымыздың игілігі болғай!
 
Сізді xалықаралық деңгейдегі ұлттық және демократ тұлға деп танимыз.
   
Сайлаудан соңғы алғашқы шешімдеріңіздің бірі "Ұлттық кеңес құру", сол арқылы саяси өзгеріс, парламенттік реформа және БАҚ туралы заңды қайта қарауды - осы үш мәселені ұлт, мемлекет мүддесіне лайықтауды қолға алу болғаны мәлім. 
    
Біздің ойымызша осы санатта Төртінші, әлде, маңыздылығы бойынша Бірінші орынға қойылатын мәселе ұлт тұтастығы, алыста қалған ағайынның азат Отанына оралуы - қазақтың xалық ретінде тұтастану мұраты. Заң тілімен айтқанда "ОРАЛМАН МӘСЕЛЕСІ". 
    
Бұл ұлттық кеңестің басты жұмысы – ұлттың басты мақсаты болуы керек.
"Қазақтың мәңгілік мемлекеттілігіне оған өзінің және ұрпағының ғұмырымен мүдделі xалық ол — Қазақ ұлты. Оның топтаса түсуі мен тұтасуы – ұлттық қәуіпсіздіктің негізгі шарты". 
   
Бұл 1997 жылы "Халықтың көші-қоны заңын" қабылдаушы парламенттік жұмыс тобында болғандағы ұстанымымыз. Бұл ұлттың күн тәртібінде мәңгі тұратын бағдарлама.
    

    Құрметті, Қасым - Жомарт Кемелұлы!  
      
1997- жылғы сол заң қабылданарда Сіз айырықша қолдау білдірдіңіз; 
    
1999 жылдың басында "Қытайдағы қазақтар үшін болса да, Көші-қон Агенттігі тарамауы керек" деп мәлімдеме жасаған жалғыз тұлға - жалғыз қазақ Cіз (сөйтіп агенттік жұмысы қайта сәтті жалғасты);
    
2004 жылы 4 сәуірдегі Сіздің бұйрығыңыз бойынша барлық Отанына оралушы қазақтар визалық алымдардан босатылды. 
     
Айтайын дегеніміз - ұлттық кеңестің жұмыс бағдарламасына осы төртінші мәселе кіруіне және жоғары сапада шешімін табуына әдетіңізше қолдау білдірсеңіз екен.
    
      
Құрметпен, 
Алмас Аxметбекұлы Сақбаев ақын, мәдениет қайраткері. Алғашқы (1997) "Халықтың көші-қоны заңын" қабылдаушы парламенттік жұмыс тобының мүшесі.
 

Қате тапсаңыз, қажетті бөлікті таңдап ctrl+enter басыңыз.

Пікір қалдыру

2 пікір

орта жүз 13 Шілде, 2019

жыртыл жымсыма атақ абыйшыл қансыз қытайшыл.

Дана 15 Шілде, 2019

"әр қазақ - менің бауырым" демекші, отанына келгісі келетін шетел қазақтарына барлық мүмкіндік жасау керек деп ойлаймын. Ұлтымыздың демографиялық құрамы ғана емес сапасы жағынан да өзгеріс әкеледі. Өз істерін осы жерде жалғастыруға мүмкіндік жасау арқылы тартуға болады. Қытайдағы қазақтарға қорған бола алмағанымыз тіпті жанымызға батады(((