Алматы билігі мектепке дейінгі ұйымдарға қатысты мемлекеттік тапсырыс мөлшерін ұлғайтты

Алматы қаласы әкімдігінің 2024 жылғы 29 тамыздағы қаулысымен мектепке дейінгі тәрбие мен оқытуға арналған мемлекеттік білім беру тапсырысына, қаланың мектепке дейінгі ұйымдарындағы ата-ана төлемақысының мөлшеріне өзгерістер енгізілді.

Мәселен, мектепке дейінгі тәрбие мен оқытуға мемлекеттік білім беру тапсырысы, қаланың мектепке дейінгі білім беру ұйымдарындағы ата-аналық төлемақының мөлшері:

Балабақша (мемлекеттік және жеке) – Ата-аналық төлем мөлшері-айына 25 мың теңге, бір тәрбиеленушіге жұмсалатын шығындардың орташа құны 53 878 теңге (бұрын мемлекеттік тапсырыс құны 52 368 теңге болған).

Балабақша (мемлекеттік балабақшалар жанындағы арнайы топтар) – бір тәрбиеленушіге мемлекеттік шығыстар-айына 97 475 теңге, ата-аналық төлем жоқ (бұрын мемлекеттік тапсырыс құны 95 369 теңге болған).

Бөбекжай (мемлекеттік бөбекжай жанындағы мектепалды топтар) – бір тәрбиеленушіге жұмсалатын шығындардың орташа құны-айына 23 704 теңге, ата-аналық төлем жоқ (бұрын мемлекеттік тапсырыс 22 965 теңгені құраған).