• USD 468.56

  • EUR 497.56

  • RUB 7.3

  • CNY 67.18

28 Наурыз, 18:12:56
Алматы
+35°

23 Тамыз, 2019 NEWS

«QAZAQSTAN» ұлттық арнасынан "NUR TILEÝ" бағдарламасы эфирге шығады

Ұлттық арна әзірлеген жаңа тележоба жүргізуші мен кейіпкер арасындағы интеллектуалды диалогқа құрылған.

"Qazaqstan" Ұлттық арнасынан жаңа маусымда ҚР Еңбек сіңірген қайраткері, Қазақстанның құрметті журналисі Нұртілеу Иманғалиұлының жүргізуімен "Nur Tileý" апталық бағдарламасы экранға шығады деп жазады Qamshy.kz ақпарат агенттігі. 

Ұлттық арна әзірлеген жаңа тележоба жүргізуші мен кейіпкер арасындағы интеллектуалды диалогқа құрылған.

Бағдарламада жүргізуші Нұртілеу Иманғалиұлы елімізге танымал мемлекет және қоғам қайраткерлерімен, депутаттармен, министрлермен, облыс әкімдерімен, саясаткерлермен,, жазушы-ғалымдармен, спортшы және кәсіпкерлермен қоғамның көкейтесті әлеуметтік мәселелері бойынша сұхбат құрады.

"Мен өз арнама, Ұлттық арнама қайта оралдым. Бағдарлама атауының менің атыммен аталуы еселі жауапкершілік жүктеп отыр. Қонақ пен көрермен арасында алтын көпір бола аламыз ба, оны уақыт көрсетеді!", - дейді тележүргізуші.

Алғашқы хабар "Qazaqstan" Ұлттық арнасының эфирінен 6 қыркүйекте шығады.
Айта кетейік, биылғы күзгі маусымға "Qazaqstan" Ұлттық арнасы 14 жаңа жоба әзірледі. Тағы 10 бағдарлама жаңа форматта көрерменге қайта ұсынылады.

 

 

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір