• USD 378.65
  • EUR 430.07
  • RUB 6
  • CNY 55.1
16 Қыркүйек, 10:12:37
Алматы облысы Шамалған бекетінде пойыз автобусты соғып өтті (видео)

02 Қыркүйек, 2019 Айтты-ей, бауырың!

Белгілі белсенді Тоқаевтың халыққа жолдауында айтылған бес мәселеге ерекше тоқталды

Белгілі инвестор, қоғам белсендісі Марғұлан Сейсембай Қазақстан президенті Қасым-Жомарт Тоқаевтың халыққа жолдауында "ерекше атап өтуге тұратын және саяси тезистерге қатысты бес мәселе бар" екенін айтты деп жазады Qamshy.kz ақпарат агенттігі. Бұл туралы Сейсембай өзінің Facebook парақшасында жазды. 

"Бірден ескертейін, жолдау көңілімнен шықпаса да, негативке салынбаймын. Сырттай өз реакциямды объективті түрде айтуға тырысайын. Сонымен, менің ойымша, жолдауда ерекше атап өтуге тұратын және саяси тезистерге қатысты бес мәселе бар.


1.Әлемдік тәжірибе көрсетіп отырғандай, бұзып-жарғыш саяси либерализация тұрақсыздыққа әкеп соғады. Сондықтан біз саяси реформаларды алға аттандаумен емес, ойластырып отырып жүргіземіз. Бұған келісермін, бірақ бұл онсыз да жоғалтып алған қаншама уақытымызды тағы да өткізу болмаса игі еді.


2. "Біздің принципіміз – саяси модернизациясыз экономикалық реформаларды жүргізу мүмкін емес", – деді Президент.
Міне, бұған 100% келісемін, тіпті 500%!


3. "Заңда белгіленген тәртіпке сай, оларға (митинг) өткізуге рұқсат беру, ол үшін арнайы орын белгілеу. Алайда, ол қала сыртында болмауы керек", – деді. Тұтастай алғанда, ілгерілеу байқалады, бірақ, меніңше, митингілер ескертуші сипатта өтуі керек. Сондай-ақ, митингіні ұйымдастырушылар өз қауіпсіздігі үшін алаңдайтын болса, оны хабарлауы тиіс.

4. "Полицияның мемлекеттің күш құралы ретіндегі бейнесі біртіндеп келмеске кетеді. Ол азаматтардың қауіпсіздігін қамтамасыз ету үшін қызмет көрсететін органға айналады".
Міне, тағы да 100, 500% келісемін! Мен тек «біртіндеп» деген сөздің күнтізбеге қойылғанын және нақты мерзімін естігім келеді.

5. "Алдағы мәжіліс пен мәслихат сайлауы еліміздегі көппартиялы жүйенің одан әрі дамуына сеп болуы керек".
Не бұл? Жаңа партияны тіркеуді жеңілдету жөніндегі уәдесі ме, әлде тек сайлауға сеп болуға «тиіс» деген тілегі ғана ма? Өз басым бұл сөзді түсінбедім.

Жалпы - осылар. Қалғанының бәрі өміріміздің жағымсыз сәттеріне байланысты халықтың әлеуметтік желілердегі реакциясына берген жауабы және мәселелерді ақшамен толтыру ғана. Десе де, мұның өзі жаман емес. Бұл - ең болмағанда, биліктің әлеуметтік желілердегі наразылықтарды ести бастағанын көрсетеді", - деп жазды Сейсембай фейсбук парақшасында. 

Бүгін, 2 қыркүйекте Қазақстан президенті Қасым-Жомарт Тоқаев халыққа жолдау жолдады. Тоқаевтың жолдауы "Сындарлы қоғамдық диалог – Қазақстанның тұрақтылығы мен өркендеуінің негізі" деп аталды. 

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір