Алматыда автобус жаяу жүргіншіні қағып кетті (видео)

Бүгін, 3 қыркүйекте Алматыда автобус жаяу жүргіншіні қағып кетті деп жазады Qamshy.kz ақпарат агенттігі. Жол-көлік оқиғасының видеосы Instagram әлеуметтік желісіндегі kris_p_brothers_official парақшасында жарияланған. Бұл туралы Tengrinews.kz  сайты хабарлады.

Tengrinews.kz сайтының жазуынша, "Алматыэлектротранс" жол-көлік оқиғасы таңғы сағат 8-де Өтеген батыр және Қабдолов көшелерінің қиылысында орын алғанын айтқан. 

 

 

 

Посмотреть эту публикацию в Instagram

 

 

Матезалки Маречека сбили девушку

Публикация от Kris P Brothers (@kris_p_brothers_official) 2 Сен 2019 в 7:43 PDT

"45-ші автобустың жүргізушісі Өтеген батыр көшесінің бойымен оңтүстік бағытта Қабдолов жағына қарай жүріп, жаяу жүргіншіні қағып кетті. Нәтижесінде жаяу жүргінші бірнеше жеңіл жарақат алды. Жедел жәрдем бригадасы шақыртылып, жаяу жүргіншіге медициналық көмек көрсетілді. Қазіргі уақытта оқиғаның мән - жайы анықталып жатыр",- деп айтқан компанияның баспасөз қызметі.

"Бұл оқиға Өтеген батыр және Қабдолов көшелерінің қиылысында орын алды. 31 жастағы әйел адам автобус дөңгелдегінің астында қалған. Қазіргі уақытта тергеу жұмыстарына Әуезов аудандық полиция басқармасының әкімшілік тәжірибе бөлімшесінің қызметкерлері кірісті. Зардап шеккен әйел адамның дене жарақаттарына медициналық сараптама жүргізілетін болады. Сондай - ақ, қоғамдық көлік жүргізушісімен жол-көлік ережесін бұзуды анықтау мақсатында автотехникалық сараптама жүргізіледі",- деп атап өтті Алматы полициясы департаментінің баспасөз қызметі.