• USD 399.67
  • EUR 452.95
  • RUB 5.82
  • CNY 56.36

04 Мамыр, 2020 NEWS

Болашақ журналистер баспасөз бостандығының маңызын талқылады

Көрнекі сурет

4 мамырда "Журналистика және қоғамдық дипломатия: олар бір-біріне қалай қолдау көрсете алады?" тақырыбында онлайн кездесу өтті. Қазақстандағы АҚШ елшілігінің қолдауымен ұйымдастырылған вебинарға қазақстандық студенттер мен журналистер қатысты.

Кездесуде АҚШ-тың Қазақстандағы елшісі Уильям Мозер журналистерді өткен Дүниежүзілік баспасөз бостандығы күнімен құттықтап, БАҚ-тың қазіргі әлемдегі рөлі туралы ойымен бөлісті.

Жыл сайын 3 мамырда әлем Дүниежүзілік баспасөз бостандығы күнін атап өтеді. Оның мақсаты – баспасөз бостандығының негізін қалаушы қағидаттарды еске алу, БАҚ тәуелсіздігіне қолсұғушылықтан қорғауға жәрдемдесу, әлемдегі баспасөз бостандығының жағдайын бағалау.

Онлайн кездесудің спикерлері – елшіліктің баспасөз хатшысы Шон Бода және БАҚ мәселелері жөніндегі кеңесші Қарлығаш Жаманқұлова болды.

Вебинар аясында Шон Бода журналист тәуелсіздігіне нұқсан келтіріп алмай, баспасөз қызметі өкілдерімен қалай байланыс орнату керегін, сондай-ақ, АҚШ елшілігіндегі журналистерді қолдау шаралары туралы айтып берді.

"Қазақстандағы АҚШ елшілігі журналистерді жан-жақты қолдауға тырысады. Менің ойымша, қоғамды дамытуға көмектесетін ортақ құндылықтарды бөлісу аса маңызды", – деді Шон Бода.

Айта кетейік, кездесуді Қазақстандағы АҚШ елшілігінің қолдауымен Халықаралық ақпараттық технологиялар университетінің Медиакоммуникация кафедрасы ұйымдастырды.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір