• USD 399.51
  • EUR 447.33
  • RUB 5.78
  • CNY 56.1

12 Мамыр, 2020 NEWS

Дубайда жұмыс істеп жүрген қазақстандық жұмбақ жағдайда көз жұмды (видео)

видеодан алынған

Дубайда жұмыс істеп жүрген қазақстандық азаматша жұмбақ жағдайда көз жұмды. Жергілікті полиция отандасымыздың өз-өзіне қол жұмсағанын айтуда. Алайда марқұмның туыстары мұнымен келіспейді. Умида Сабырова мектепті үздік тамамдаған. Оның үстіне жеңіл атлетикамен кәсіби түрде айналысқан екен. Ағылшын тілін үйреніп, өткен жылдың тамыз айында Біріккен Араб Әмірліктеріне жұмыс істеуге кеткен. Әпкесі Манзура Сабырованың сөзінше, Умида ол жақта оқуына ақша жинап, жақындарына да қаржылай көмектескен. Бұл туралы Еуразия бірінші арнасы хабарлайды.

– Сіңілімнің мүрдесін елге жеткізсе деймін. Ұшақтар ұшып жатыр емес пе?! Мені көріп тұрсаңыздар, барлық елшілерден, біздің Президентімізден көмек сұраймын!, - дейді Умида Сабырованың әпкесі Манзура Сабырова. 

Манзура Сабырова сіңілісінің өз өмірін қиғанына сенбейді. Оған себеп те жоқ емес. 16 наурызда байланысқа шыққан Умида өзін шетелден алып кетуді өтініп, бәз-біреулердің оны аңдып жүргенін айтқан. Пандемияның таралуына байланысты ол кезде қандай да бір шара қабылдау мүмкін болмапты. Ал еліміздің сыртқы істер министрлігі осы жағдайды бақылауда ұстап отырғандарын айтады. Ресми орган "Мүрдені елге жеткізу мәселесі осы аптаның соңына дейін шешілуі тиіс", деп жауап берді. 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір