Қазақстандағы сайлау: екінші exit poll деректері жарияланды

Қазақстандағы мәжіліс депутаттарының сайлауында екінші exit poll деректері жарияланды. Мәліметтерді КТК арнасының тікелей эфирінде "Демократия институтының" жобалар жөніндегі директоры Татьяна Башарина жариялады.

"Демократия институтының" мәліметтері бойынша exit poll нәтижелері келесідей:

Қазақстан Халық партиясы - 9,54 пайыз;

Nur Otan партиясы - 72 пайыз;

"Ауыл" партиясы -  4,93 пайыз;

"Ақ жол" партиясы  - 10,2 пайыз;

Adal партиясы - 3,25 пайыз.

Сауалнама КТК телеарнасының тапсырысы бойынша жүргізілген.

Естеріңізге сала кетейік, мәжіліске өту үшін партиялар кемінде жеті пайыз дауыс жинауы қажет.

Exit poll - сайлау науқаны кезінде сайлау учаскелерінің алдында халықтың пікірі мен сайлау нәтижесін мерзімінен бұрын жорамалды түрде білу.