"Қосымша жасақ", "міндетті әскерге шақыру". Қорғаныс министрлігі мәлімдеме жасады

Ауғанстандағы жағдайдан кейін елде әскери нысандардағы қаупсіздік күшейді. Бұл туралы Қорғаныс министрілігі хабарлады.

"Ауғанстан Ислам Республикасындағы ахуалдың шиеленісуіне байланысты Қарулы Күштерде қырағылықты күшейту бойынша бірқатар шара ұйымдастырды. Ең алдымен арнайы операциялар майдан және әскери-көлік авиациямен әуе шабуылына қарсы қорғанысқа қатысты болып отыр. Қоймаларды күшейтуге қосымша жасақ бөлінді" делінген ақпараттық хабарламада.

Қорғаныс министрлігінде өткен аппараттық кеңесте запастағы әсіресе тапшы мамандығы бар офицерлерді әскери қызметке шақыру мәселесі көтерілді. Заңнамада офицер атағын алған әскери кафедраны бітірушілерді міндетті түрде әскери қызмет өткеру үшін әскерге шақыру бойынша түзетулер енгізу тапсырылды.

"Барлық студенттер мен жоғары оқу орындарының басшылары әскери кафедрада оқу – бұл ойын-сауық және запастағы офицердің әскери билетті алу тәсілі емес, ең алдымен – ел мүддесі үшін Қарулы Күштерде қызмет етуге дайын екендерін түсінуі тиіс!" деп хабарлады министрлік тарапынан.