21 Желтоқсан, 2021 NEWS
Фото: Aamaj News басылымы
Тамыз айында Ауғанстан билігіне келген "Талибан" радикалдық қозғалысының мүшелері Кабул көшелеріндегі беті ашық әйел бейнелеленген суреттерді жоюды бастады, деп жазады Aamaj News басылымы.
Жергілікті шенеуніктер әйелдің беті немесе денесінің өзге жері ашық суреттер шариғат заңдарына қайшы екенін айтып, ел астанасында "исламдық емес суреттерді" жою процесі басталғанын жария етті.
Ауғанстан діни мемлекет болғанына қарамастан, тәліптер билікке келгенге дейін көшедегі жарнама тақтайшаларына, афишаларға, сөрелерге әйел суретін ілуге рұхсат еткен.
Адам құқығы мамандары тәліптердің билікке келуімен Ауғанстандағы әйел құқығы мәселесіне алаңдаушылығын жеткізіп жатыр. Бұған дейін Талибан ұйымы Ауғанстанды билеген 1996-2001 жылдары әйел құқығы қатты тапталған. Тіпті әйелдерге білім алуға, ер адамсыз тысқа жалғыз шығуға тыйым салынған.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір