Президент Ерлан Тұрғымбаевты да қызметінен босатты

Ерлан Тұрғымбаев президенттің кеңесшісі қызметінен босатылды. Бұл туралы  Ақорда  хабарлады.

"Мемлекет басшысының өкімімен Ерлан Заманбекұлы Тұрғымбаев Қазақстан Республикасы Президентінің кеңесшісі лауазымынан босатылды", - делінген хабарламада.

Ерлан Тұрғымбаев қаңтар оқиғасынан кейін ішкі істер министрі қызметінен босатылып, президенттің кеңесшісі қызметіне тағайындалған еді.

Бұған дейін Қасым-Жомарт Тоқаев Бақыт Сұлтановты Сауда және интеграция министрі лауазымынан, Ерлан Ыдырысовты Қазақстанның Ұлыбританиядағы және басқа бірқатар елдегі елші қызметінен босатқан болатын.