17 Ақпан, 2023 NEWS
Фото: Инга Иманбайдың facebook парақшасынан
Тіркелмеген Демократиялық партияның өкілі, құқыққорғаушы, журналист Инга Иманбай мәжіліс сайлауына кандидат ретінде тіркелгенін растайтын сәйкес құжатты алды.
"Жаңа ғана Алматыдағы бір мандатты №3 сайлау округінен мәжіліс депутаттығына үміткер деген құжатымды алдым. Алла бұйыртса, ертең сағат 18-00 сайлау алды үгіт насихат жұмысы басталады. Барлық мәселені сол кезде айтармыз. Әділ, ашық сайлау болса, күреске біз дайынбыз!" деді журналист facebook парақшасында.
Инга Иманбай мәжіліске Алматы қаласындағы №3 сайлау округінен мажоритарлық тәртіп бойынша өзін-өзі ұсынғандардың бірі.
Биылдан бастап парламент аралас жүйе бойынша жасақталады. Жаңа құрамның 70 пайызын партиялық тізім бойынша сайланғандар, 30 пайызын мажоритарлық тәртіп бойынша сайланғандар құрамақ.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір