Астана әкімі қала күнінде неліктен отшашу болмайтынын айтты

Қала әкімі Астана күні – экс президент Назарбаевтың туған күніне сәйкес келетін қала күнінде отшашудың ұйымдастырылмауының себебін түсіндірді. Журналистердің сұрақтарына жауап беру кезінде Жеңіс Қасымбек экс-президенттің атын атамады. 

Ол елорда жұртшылығы отшашу сұрамағанын айтты.

"Біз отшашу ұйымдастыруды жоспарлаған жоқпыз.  Сондықтан сіз атаған фамилиямен ешқандай байланыс жоқ. Қала жұртшылығы да отшашу сұраған жоқ. Сондықтан ұйымдастырылмайды", – деді Қасымбек.

Естеріңізге сала кетейік, бұдан бұрын қала әкімдігі мерекеге орай отшашу болмайтынын мәлімдеген. Биыл Астана күні үшінші жыл қатарынан отшашусыз өтпек.