02 Сәуір, 2024 Барлық аймақтар
Ауыл тұрғындарына арналған жаңа үй бағдарламасы басталады
Ауыл тұрғындарына арналған жаңа тұрғын үй бағдарламасы мамырда іске қосылады. Бұл туралы Өнеркәсіп және құрылыс министрі Қанат Шарлапаев айтты.
![](/media/2024/04/02/crop--5_84_676x1202_123826207400.jpeg?width=600&height=480)
Фото:world-nan.kz
«Қазіргі уақытта бұл бағдарламаға «Отбасы» банкі 300 млрд теңге тартып жатыр. Бұл - бағдарламаның жалпы мөлшері. Халықтың әлеуметтік жағынан аз қамтылған санаты үшін мөлшерлеме 7 пайыздан аспайды», - деді Қанат Шарлапаев Үкімет отырысынан кейінгі брифингіде.
Оның атап өтуінше, алдағы мамыр айында бағдарламаның барлық шарты жария етіледі.
«1 мамырда бағдарламаның барлық шартын толықтай жария етеміз. Ол 1 мамырдан басталады. Қазіргі уақытта оған нарықтан қаражат тартып жатырмыз. Тек аздаған уақыт қажет. Сондықтан бағдарлама 1 мамырдан басталады. Министрлік пен «Отбасы» банкі қызметкерлеріне тағы бір мәрте жеке баспасөз мәслихатын өткізіп, бағдарлама жайында айтып беруді өтінеміз», - деді министр.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір