Тайландтан поштамен есірткі алдыртқан 4 адам ұсталды

Қаржылық мониторинг агенттігі "Әуежай-Астана" кеден бекеті мен DHL курьерлік компаниясының қызметкерлерімен бірлесіп, Таиландтан халық тұтынатын тауарлары түріндегі пошта сәлемдемелері арқылы аса ірі мөлшерде келген есірткі заттарын анықтады.

ҚМА Астана қаласы бойынша департаментінің қызметкерлері қызметтік-іздестіру итінің көмегімен DHL уақытша сақтау қоймасын тексеру кезінде кедендік бақылау бекетінде халықаралық пошта жөнелтімдерінен 3 қорап есірткіні тапты. Олардың ішінен жалпы салмағы 3,5 келі каннабис сығындысы (гашиш майы) табылды.

Қазіргі уақытта 4  күдікті анықталып, тергеу изоляторына қамалды. Күдіктілердің тұрғылықты жері тексеріліп, 787 гр марихуана мен есірткі заттарын өлшеп-орау үшін қажетті басқа да заттар тәркіленген.